Fo scrito a sier Marco Minio, va orator al Signor turco, di certo caso sequito a' mercanti, videlicet Sebastian di Bortolamio, di la t e Andrea di Marco Fulger e altri mercanti, ai qual questo April, ne le aque di Ostena, per do fuste turchesche fu presa una marciliana carga di ogii et una caravella carga di pannine, li qual navilii di Puia venivano a Venetia; pertanto parli a li bassà voy proveder a la restitution e refazion di danni. Et come fo scrito al cadì et emin di la Valona el Durazo dolendosi di questo; di qual niuna provision è stà fata.