A dì 21 octubrio, per letere di sier Olivier Contarini, capetanio di Raspo.

Si have come, sentando turchi passavano, li stratioti fono a le man, e de quelli ne occise 15, e prese 12, i qual torturadi confessono esser in tutto 5000, e da desasio esser morti più de 1000, e nel passar dil Taiamento e l’Izonzo, visto le fiumare cresude per le pioze, non posendo retornar, et temendo esser asaltadi da’ nostri, nel qual asalto etiam li presoni sarano stati contra lhoro, per questo occiseno su le rive 1200 homeni; el che più danno haveano fato in le terre di Maximian, cha di venitiani; et che sono stati 12 dì senza manzar pan, e sono strachi, loro e i cavalli, sì che poco li aria roti.