Di Udene, di sier Domenego Bàlani, luogotenente, di 4.
Come in quella matina turchi, 6 horre avanti zorno, erano passati il Taiamento, vanno via in la malora ; et nel passar sopra la riva tagliono la testa a mille tra homeni e done vechie, et il resto menono via assa’ numero, et maxime tutti li homeni da anni 14 in zoso, et le done. Et crede, quel dì passerà l’ Izonso, qual perhò era ingrossato, e lui mandava a Gradischa 3000 cernide etc. Et per relation di turchi, par dormivano la note, el campo senza alcuna guardia, sì che nostri potevano romperli, se li fusseno stati a l' incontro. Et par, 12 nostri tene un vilazo, e feze testa contra turchi, adeo non fo brusato; e tuta la terra diceva mal dil Zanchani, provedador, che mal ne serviva.