Scrive in la prima il Turcho va a le greche marine, et nullo sentor hanno di l’armada turchescha; Scander bassà, et Sanzach bei fa zente a cavallo; a Scutari è arivato turchi assai, scoreno su quel di Antivari. Da Dulzigno ha nostri haversi ben difeso, e l’orator ungaricho tornò con richi presenti dal Turcho. Per l’altra, di 13, come il Signor turcho va a Nepanto, prima volea andar a Corphù, et con el bilarbei di la Natalia et quel di la Grecia va in Romania, niun pol passar etc. La sua armada à trovato la nostra grossissima, et la sua tanto la sta più in armada tanto è mal, caschano infermi da fluxo et febre a fassi. Scander bassà è in Bossina, fa zente quanto pol, et con la luna nova cavalcherà danizando.