Come la peste era a Constantinopoli, et ne moriva 300 al dì.

Item, che il Signor turcho feva armar 2 nave grosse e far far galie. Se divulgava voleva andar a Rodi con grossa armada. Havea mandato fuora di streto 2 barze et 3 fuste grosse con uno capitano di Galipoli et Camalì corsaro, el qual scontrò una barza de corsari in le aque de Montestrato, i qual, abandonato la barza, montono in la charavela et fuzite. Unde, Camalì, prese la barza; pasò a Stalimene con la barza e fuste; dovea andar a Tenedo aspetar mandato dil Signor, quod fiendum.