Fu posto, per li ditti, una lettera a li oratori nostri apresso Cesare, in risposta de soe, con dirli da Constantinopoli non havemo hauto altro di 28 fevrer in  quà, e allegrarse dil ben star de quella Maestà. Quanto a la richiesta de danari fatta per Cesare, laudar quello li hanno risposto, con dirli le gran spexe femo, et li respetti nostri ben noti a Soa Maestà.

Item, avisarli de la richiesta fatta per el suo orator, et la risposta fattoli con el Senato.

Item, dirli non è venuto alcun orator dil Turco de qui; lo havressemo avisato.

Item, che solliciti la cosa de la possession de quel Nicolò Rizo a Cividal; vedi obtenir da quel re di Romani la iusticia, et sia presta, ut in litteris. Ave: 198, 7, 6.