Da poi, per esser el Serenissimo sferdito et non poter parlar, sier Marco Minio savio dil Conseio, andò io renga et disse per esser in setimana: come I’ è alcuni zorni che l’orator cesareo con domino Roberto olim secretario dil Legato morto veneno in Collegio, et volseno audientia secreta, dicendo haver di Roma che il Pontefice aiutava Cesare a I’impresa contra el Turco, volendo saper che aiuto etiam de danari li darìa questo Stato. El Serenissimo li disse se conseieria. Da poi l’altro zorno dito orator cesareo vene solo in Collegio, dicendo haver hauto lettere de Cesare, che ‘l desiderava, aiutandolo el Papa, saper quelo li volea dar questo Stado.