Lo parlamento de la paxe.
A dì 2 Dezembrio, Domenega. Fo lo parlamento con lo vice ... de Syo.
A di 10 ditto, fo Martedi. Vene uno stendardo dil Gran turcho de seguranza sotto lo mure et la terra, et li hanno respoxo de seguranza, et vene a la porta uno salvoconduto. Parlò con lo reverendissimo Gran maestro, Preian el capitanio fra Gabriel, et portorono salvoconduto per ussir dui di li nostri per parlar con el Granturco, et con loro portasseno salvoconduto per dui del ditto Gran turcho, per intrar dentro la terra, e in ditta hora cussi e stato seguitato; ne la qual hora si tramava dar la terra al Gran turcho pacificamente per scampar le anime, non potendole più tenir, nè resister contra tal potentia, quale fu per conseglio del ditto capitanio fra' Gabriel da Martinengo.
A di 19 ditto, Venerdì. Da matina hanno concluso et fato li capitali et portato la lettera dil Gran turcho.