Di Cypro, di sier Donò, Marzelo luogotenente, sier Zuan Dolfin, sier Nicolò Michiel dotor, Consieri, di 5 Settembre.
Come, stando in aspetation de intender l'exito di l'exercito dil Signor turcho, signor Soldan e signor Sophi, questa matina hebeno una letera de sier Piero Morexini di sier Batista da Famagosta, qual manda inclusa, fuzito da Tripoli, per la qual li scrive esser zonto lì, et li campi stati a le mano et esser morto il Soldan, e le zente dil Soldan fuzite, morto però molti turchi, et che Alepo e Tripoli si haveano dato al Signor turco et etiam Aman, e che dito Signor turcho andava con l'exercito a Damasco.
Etiam, per una lelera li scrive Antonio Testa, pur di Famagosta, fuzilo etiam lui di Tripoli, come li schiavi, poi la rota, erano fuziti a Damasco per far uno novo Soldan, e che 'I Sophi si aproximava con zente. Li qual avisi sono di grandissimo imporlantia, et però avisano, etc.