Fo comandati 20 zenthilomeni andar a condur I' orator dil Turcho a la Signoria, tamen non sono si non 6, sier Polo Valaresso il grando, sier Homobon Griti, sier Alvise Vituri, sier Antonio Dandolo, sier Mafìo Lion, e sier Silvestro Memo provedador di comun, il resto non veneno. li che inteso in Collegio, fo ordinato metterli debitori a palazzo di 10 l’uno quelli non erano venuti, et fo mandato li Cai di XL, sier Tomà Contarini, sier Hironimo Querini savii a terra ferma e li Savii a i ordeni, con questi a levarlo. E reduto il Duxe con la Signoria in Collegio de suso, vene el preditto orator, in ciera molto superbo, con una casacha over vestido d’oro a fiori a l'azimina; havia 20 con lui con fesse e zarcular in testa. El qual venuto in Collegio, il Doxe si fe levar e andoli contra fin al pè del mastabè e tochatoli la man, posto a sentar apresso il Principe, saludò il Doxe da parte del suo Signor, dicendo lo mandava a congratularsà con questa Signoria di I'aquisto havia fato di Rhodi, che sta ben a proposito per questa Signoria, perchè quel Gran Maistro era causa di gran mal etc., et apresentò la lettera del Signor, qual si farà tradur. El Doxe li usò grate parole, stete pocho et ritornoe zuso, et fo acompagnato a caxa.