Vene in questa terra el scrivan di la barza, vien a disarmar, et referi, comme, a di 13, volendo andar le barche di le nave imbarbotae, per numero 13, et 3 fuste, di ordine dil zeneral, in la bocha di Valona, per brusar quella armata, trovono assa' turchi su se rive; e andati dentro, vedendo 0 poter far, si reculano indriedo; e, zonte a la bocha , asoltò una fortuna, adeo le barche convenne dar in terra, dove erano assaissimi turchi, quali preseno nostri, facendoli presoni. Et mancha da homeni 400 di principali, il forzo di l'armada, tra i qual sier Marco Orio, vice capetanio di le nave, sier Vincenzo Pasqualigo, di sier Cosma, patron di la nave, quali sono fati presoni; e sier Hirenimo Morexini, di sier Nicolò, patron dil barzoto, non si truova; et che sier Sebastian Moro, patron di la barza, e Tomà Duodo, etiam patron, scapolono, et sono vivi. E di le barche e fuste peride pur se intese molti scapolono a Durazo e altrove, e molti fonno presi. Et che il zeneral, vedendo 0 haver potuto far, veneno con le galie in bocha di Cataro; et che dete licentia a la sua barza, e quella , patron Thomà Duodo, e Francesco Felizian venisseno a disarmar. Et intisi, che sier Marco Orio, preso ch' el fui mandò uno messo di quel sanzacho a nave per veste, et che da una nostra galia, soracomito sier Marco Antonio da Canal, ditto messo fu retenuto e menato a Corfù. Et per letere del zeneral, né de altri, O di tal nove se intese.