Poi, per l’ altra letera di 15.
Nepanto si poteva socorer, da poi che lassono in trar l’ armata in colpho.
Al presente intendemo, turchi se tragetavano sopra la Morea, e l’ armata si meteva in bordine a Nepanto de artilarie e vituarie, per insir e andar a Napoli di Romania, o ver qui a Modon; e fu preso uno Bortolo Padoam, patron di una nave, qual ha inzegno, e sa il sito di Modom per esser stato longamente lì. Dubita etc. Lauda sier Marco Cabriel, castelan e provedador nostro, tamen non è conbatanti, munition, vituarie e artilarie; et quelle haveano le galie e nave, le tolse. Voria legnami per far la porporela, zoè palli de olmo o de rovere per far, da la parte di levante, ditta porporella, zoè da'la porta del muoio fin a la zudecha ; e, non fazando, questa tera è persa; perchè turchi puoi im piantar le bombarde in la spiaza, dove è la chiesia di Santa Maria, e ruinar tutta quella cortina de la torre, che feze ruinar sier Antonio Grimani, per sin al portei nuovo. E da quella banda puoi spianar i casamenti di la terra, per esser le mure debelissime, e parte amurate di terra, et, ruinada la cortina, puoi vegnir per fin soto le mure con le prove di le galie e fuste, non essendo la porporela fata, et essendo, non si potrà acostar : ruini si ’l sa.
Intendo, se pur nostri voltava le prove di le nave e galie versso la turchesca, tutti fuziva, e di quel colfo si trazeva 500 milia stera di fòrmento segondo el dacio di Nepanto: sì che questo Levante morirà da fame, e perfin adesso non è in man de merchadanti un granelo de formento, e pezo se porà trovar da mo avanti. E se l ’ armada dil turco se rompeva, tuta l’ Albania era nostra, Scutari e la Morea, perchè tutte le forteze haria dato le chiave, come ha fato tuto el brazo de Maina, e si haria tolto Metelin, Stalimene, e forssi Negroponte: sì che, considerando tutto, non è da viver, ma morir.