Et da Monopoli, di sier Thomà Liom, provedador, l' altro zorno vene lelere di 16.
Come havia da do fuste di Malta, licentiate da la nostra armada, come fin a dì XI el castello di Nepanto si teniva; tamen non fu vero, et si havia reso. Et fo nonciato, el capetanio di Vicenza con 3000 cernide, fra i qual sono 500 cavali, erano zonti a Sazil, et che in la Patria era adunato 6000 homeni verso Gradischa; e da Bassan, Feltre, Cividal di Belun e Conegian, era zonto 1000 cernide, et che 400 ceroide di Conegiam fo asaltade da’ turchi verso Porto Bufolè, di le qual 200 si messe in fuga, e fono occisi da’ turchi, et 200 che fece testa, se salvorono. Da poi, alcuni stralioti, 150 in zercha, ussiti di Gradischa, arsaltono turchi 500, et quelli messe in rota, e reportono 100 teste e tre vivi. Da li qual si intese esser in tutto 9000 turchi, i qual doveano partir, e non poteano per le fiumare ingrossade. Li qual turchi, presi, fono examinati a Udene.
Et è da saper, fono in questi zorni grandissime pioze, adeo il Taiamento e l’ lzonso cresseteno, sì che turchi stanno mal in mezo; tamen non haveno mal niuno. Et horra se troverà tre adunation di zente in Friul nostre, i qualli, havendo insieme intelligentia, potrano serar turchi di mezo, zoe li nostri de Gradischa, sì zente d’ arme, stratioti, fanti e cernide non picol numero; poi quelli si reducano a Sazil; et sier Alvixe Loredan, mandato capetanio di 40 barche armade e fanti 1000, venuti da Cremona per la via di Po. Et a le barche pizolo fo dato 6 homeni, a le mezane 8, a le grosse di pedota 12; e al patron fo dato ducati 4, et a li altri ducati 3 al mexe; et fono expedito. Tamen fu butà via li soldi; el restò a dar danari a X barche, che non fono mandate. E da saper, cossa assa’ notanda, che sier Andrea Foscarini, de sier Bernardo, da San Pollo, era podestà et capetanio a Mestre, inteso turchi esser in trivisana, butoe zoso li ponti, e andò a dormir in rocha. E le zente, erano a le ville di trivixana, maxime zenthilomeni nostri, veneno in questa terra batando; e pur li nostri di Gradischa ni de altrove 0 facea. E la Patria se rumava.