A dì 2 octubrio.
Si have aviso, turchi danizava in trivisana, et X di lhoro passò la Livenza, propinquo a Porto Bufolè, el tornono indriedo da li altri, qualli meteano a fuogo e fìama il Friol e trivixan; e le fermile erano in fuga. Et che a Pordenon, loco di l’ imperador, todeschi, e de quelli habita zercha 800, ussiteno, adeo ne fono morti molti di lhoro da’ turchi.
E il bassa, qual havia suo fiol con lui, è homo vechio, corsse altre fiate qui in Friol, li mandò a dir a quelli di Pordenon, havia bona intelligentia con il re 'di romani; pur volse ducati 1000, e li daria le anime tolte. Et cussi li fono dati.
Et par, alcuni di Strasoldo, castelani, con certi stratioti, fono a le man con turchi, et de dicti turchi fono amazati alcuni; tamen tutavia andavano brusando, non havendo a l’ incontro. E il Zanchani, provedador, con le zente si stava in Gradischa. A Zazil si facea l’ altra massa di le nostre zente, et za era zonto Meleagro da Forlì e Jacomazo. E le altre di campo veniva via.