E la dì primo ditto.

Vene nova, dicti turchi esser acampati tra Udene e Porto Bufale, et esser passato il Taiamento per numero 2000, metando a fuogo e fiama ville, caxe, bestiame, et anime infinite menando via: et questo se intese per letere di sier Domenego Bollini, luogo tenente in la Patria, da 'Udene; di sier Piero Badoer, podestà et capetanio a Zazil; e di Gradischa e di Porto Bufolo, di sier Francesco Querini, podestà. Et principue una letera di uno citaditin, chiamato domino ..., la qual fu leta in Pregadi, come turchi erano stati a una badia di San Zuanne de . . . , dove haveano fato gran mal, cavato li ochij a li santi depenti, e di la chiesia fatto stalla perdisprecio.

Et per Colegio fu scritto a sier Domenego Contarini, capetanio di Vicenza, et li fo mandato ducati 5000, acciò subito si partisse da Vicenza, et andasse con 5000 ceroide; et scrito a Padoa, mandasse cernide in gran numero; a Feltre 300, a Cividal 300, a Bassan e Treviso assa’ numero. Et ordinato a dito capetanio di Vicenza andasse di sora via a Zazil, et lì fusse fato la massa di le zente nostre.

Et in questo zorno zonse a Chioza domino Zuan Batista Carazolo, capetanio di le fantarie, venuto di cremonese con 1000 provisionati, et con barche passono in Livenza, dando a cadauno 6 marzelli, el resto, zonti sarano in Friul.

Etiam tutavia veniva per terra le zente d ’ arme, era in cremonese; zoè Zuan Paulo Manfrom, Jacomazo da Venecia et Colla suo fiol, Tuzo di Costanza, et altri, zoè cavali 2000. Ancora fo parlato in Colegio di mandar barche e barbote in l’ lzonso, et in voce fu aricordato capetanio sier Alvixe Loredan, fo a Monopoli. El cussi fu mandato per lui, et armato ... barche, andoe; el qual si partì de qui a dì . . . di questo.

Etiam fo manda per terra sier Vetor da Leze, patricio nostro, qual si oferse andar con 100 valenti homeni di questa terra, et si partite, et andoe a Monfalcon.