A dì 29 septembrio. Da matina, fo San Michiel, fo gran consejo. Et posto parte di far la zonta justa il consueto ave 49 di no. Item, fo electo provedador al sal sier Alvixe d’Armer fo provedador a Peschiera, q. sier Simon col titolo, fo fradelo dil q. sier Alban che fo brusà di l’armada turchescha. Have tutto il consejo, et rimase da sier Andrea Corner era di la zonta, q. sier Marco da San Samuel, qual saria rimasto alias da tutti.