Ancora in ditto consejo di pregadi fo decreto di mandar Alvise Sagudino secretario nostro a Costantinopoli al Signor turco, el qual altre fiate era stato, et in questi giorni ritornato di Romagna, per esser stato a Pesaro a far levar quel signor e mandarlo in reame.
Et cussì fo expedito per mantegnir quel Signor in bona paxe et per haver qualche adviso. Et fo scrito che la galia di Nicolò Corner soracomito lo venisse a levar et a Constantinopoli condurlo, et a dì 23 dicto di questa terra partì, et andò fino a Zara con uno gripo, poi montò su ditta galia, et zonze a dì ... a Costantinopoli.