Dil dito, di 20.
Come hozi, per via de uno servidor dil reverendo prè Zorzi abate, mandato heri de qui a posta, partito da Clinon, ha inteso quello scrisse heri; et che 'l ditto orator era gionto a uno castello apresso el Seraio, dove stanzia el bassà de Bossina con cavalli 60, il qual bassà ha mandato a dir a la Porta de tal venuta, et mandato molte cavalcature per àcompagnarlo, et a di 13 lo aspettavano nel Seraio. Pensa sia etiam uno altro orator di re Zuane, qual porta el tributo, over qualche honorato presente al Gran Signor. Et dice se iudica de lì sia per seguir certo acordo tra el re Zuane et il re Ferdinando se divulgava etiam che al Stretto se trovava da galie 60 in 80, et se ne aspetava de le altre de giorno io giorno.