Zonse ozi la naveta di sier Polo Nani qu. sier Jacomo, vien di golfo di Patras con formenti, per la qual se intese aver scontra in canal di Viscardo uno brigantin con lettere del Zeneral vien a la Signoria. Al qual el Patron dette lengua. Li disse Rhodi esser perso, e il Zeneral spazò una fusta con homini 40 con tal nova; si tien sia perida. Et che l’era zonto su l’ixola di Candia a Cao Spa il Gran Maistro di Rhodi con do galie, la barza granda di la Religion et uno galion cargi di robe e ferieri e altri. Et par il Signor turcho li habbi observà tutti i capitoli, excepto dil thesoro e aver loro, ha voluto uno terzo romagni e li do terzi portino con se. Dice che la nave dil Caxaruol era................e andava a fondi.

Item, che’l Signor turcho fevaronzarla so’armada al Fischio. Et come lassò il bragantin zà 12 zorni in le aque de la Zefalonia.