Noto : È zonto a la Caritae uno frate fo fiol natural di sier Zuan Bragadin qu. sier Andrea, frate di quel ordine, preso za anni. . . . da turchi a Termedi et fato schiavo, et venduto. El qual a Durazo da quel turcho governa era tanto amato, che jo havia fatò suo secretario. Referisse de lì, al suo partir, perchè è stà rischatà, a dì .... di l’instante esser venuto nova che Rhodi si teniva anchora, et il Signor li haveano dato gran batagli», adeo di 11 milia janizari ne erano sta morti 8000. El che il Signor si ora partito de l’isola, e lassato a l’impresa Perì bassi per questa invernata ; sichè al tutto è disposto di averlo. Et che uno altro bassa chiamato........... el Signor li havia mandato a dir si elezesse qual morte el volesse far, overo impalato, overo tagliatoli la testa. El qual dimandò li l'usse taglia la testa, e cussi ge la fece taiar. Questo frate fu preso a Termidi, come ho ditto, et è sta riscosso con danari di frati et altri parenti. Vene vestito a la grecha, el par di novo voi intrar in la religion.