A dì 16, da matina, fo letere di Constantinapoli di 14 Avosto, dil baylo Prioli.
Come la galia Querini, su la qual montò il Baylo vechio, ne erano morti molti da peste, et assa’ di loro erano fati turchi; pur si partiva mèglio la potea per venir di qui. Et che 'I Signor turcho era zonto al Fischio a di 18 Luio e passar su l’ixola con 300 milia turchi per haver Rhodi, e che ’l sperava di haverlo, et molte gente erano soto Rhodi, oltrà quelli andavano; et quelli dentro tiravano la artelleria rara. Et par che di Alessandria venisse un’altra armada a Rhodi con 10 milia combatenti.