Fu posto, per li Savii tutti, expedir l’orator dil Signor turcho, el prima posto una savia letera in risposta di la soa, come volemo mantenir la paxe et havemo scrito in Cypro subito, non lo harendo manda, li mandi il tributo; et di la cossa dil retor di Spalato, che mandemo uno secretario de lì a far processo, e trovandolo in dolo lo puniremo; con altre parole ut in litteris.

Et che la nostra armada è fuora per difender e non ofender. E da mo’ sia preso donar al dito orator ducati 300 d’oro et vestirlo di do veste di seda, e la sua fameia iusta il solito; in le qual si possi spender ducati 100. Fu presa.

Fu posto, per li ditti, una letera al Capitanio Zeneral da mar con mandarli la lettera dil Signor turcho, e la risposta fata per sua instruzion, etc.