Vene letere da mar di sier Agustín da Mula provedador di l'armada, di 27 Zugno, da Parió.
Come havia aviso dal ducha di Nixia di.. . che ha, per certo caloiero, che l’armada turchesca a di 23 ditto era intrata in li canali di Rhodi, et che vedendo il Gran Maestro la cossa, feva gaiarde provisión, e fato la mostra di homeni da fati numero 14 milia ben disposti, et havia mandato fuora le zente inutile; con altri avisi. Le qual letere è venute per la via di Corfù, portato per sier Zuan Batista Zustignan qu sier Polo era a .......... vien per armar, essendo stà fato Soracomito per il Conseio di X.