La matina se intese, in questa note il clarísimo Zeneral col nome di Christo e dil vanzelista missier san Marco esser levato di sora di porto a hore 5 di note in conserva con 4 galie sier Francesco Griti, sier Alexandro Bondimier, sier Almorò Morexini et Julio da Bruna Brexan, che prego Iddio vadi in bona hora, e torni con vitoria a caxa ; ma si tien non achaderà, perchè il Turcho va a l’impresa di Rhodi. Tamen non si vede alcun Principe Christian mandar soccorso a Rhodi, come fu fatto l’altra fiata. El Gran Maestro, nome . . . . francese, d’ anni . . . Si atenderá ad expedir sier Zuan Vituri provedador di I 'armada e le tre galie sono a banco, sier Vicenzo Zustignan, sier Andrea da Canal et sier Domenego Zorzi, nè veleno armar più qui per adesso. Harà il Zeneral galie . . . . come apar per la póliza notada qui avanti, el a compir ditto numero manca armar 7 galie, la spexa è duchati 10 milia ; sichè bisogna trovarli.