Dil dito di 20.
Come ozi era zonto lì sier Alvise da Coron citadin curfìoto, parte da Constantinopoli a dì primo Fevrer. Referisse di l’Orator nostro si dovea partir da Costantinopoli con la galìa Liona a dì 13, et havia confirmà la paxe con la Signoria nostra, e tra le altre cosse havia obtenuto che le nave nostre più non si facesse zercha a Garìpoli, etiam dilatazion di confini di Napoli di Romania; et che zonto a Negroponte, havia inteso da li ambasatori di Napoli di Romania come li comandamenti dìl Signor Turco non erano stà aceptati, e che il Signor feva lavorar la sua armata in gran freta lino a lume di candela, havendo fato tirar in terra tulle le sue galle grosse, et che ogni setimana l’andava do volte in persona a veder lavorar ditta armata.
Item, dice aver inteso, che il Signor havia mandato a scriver li homeni da remo e fatò far comandamento che tutti li spachi stessono preparati, sichè al primo comandamento dovessano cavalcar, nè sì sa per dove.
Item, che uno bassa con le sue zente doveva cavalchar a le bande dì Hongarìa, fate le noze et feste di la sorella dil Signor turco maridada in Ferach bassa, ch’ è uno di quatro consieri dil Signor turco; e che Perì bassa è quello governava et comandava el tutto; et come era stà fato capitatito di Garipoli uno di Natòlia per li benemeriti di soi progenitori.
Item, dice aver visto più volte il Signor cavalchar per Constantinopoli con tre o quatro cavalli, et che è molto inimico di la italioti cristiana, e che havia tolto le provision a tuttì lì sui spachi cristiani sono in la Morea.
Item, dice che per l’ armata turchescha era stà preso sopra l’ixola di Cìpri una barza rhodiota, patron Nizala, per Cholumbardo, carga di zenere, et che do nave syote se haveano rote per cativi tempi verso Stalimene.