Sumario di nove contenute ne le letere di sier Anzolo Guoro provedador zeneral in Dalmatia, date in Sibinicho a dì 21 Mazo 1521, mandate a l' Orator nostro in Hongaria.

Come il zorno precedente l'era stà a parlamento con uno nontio dil conte Zuane di Corbavia, qual, per esser destinato al bassà de Bossina facea transito de li, et li havea afìrmato come el portava letere dil ditto conte patron suo con inserti capitoli per lui sottoscritti, la continentia di qual non sapeva; ma ben dise che erano in proposito di esser suo tributario, cl che 'l dovea andar con diligentia, imperochè dai ditto bassà havea tempo limitato. Come etiam dito nontio li havia subzonto, che li conti Zuane e Bernardin Gara, Serio Guetaschin et conte Angelo di Frangipani haveano auto li sui capitoli propòsti dal ditto bassa; ma non sapea con certeza se loro hanno sotoscrito, come ha fatto el ditto conte Zuane.