Da Constantinopoli, di sier Piero Bragadin baylo, date a di 28 Novembrio, le qual non fo lete in Pregadi, ma tirate nel Consejo di X con la Zonta a lezerle.

Come, havendo lui inteso per letere di Venetia che la Signoria manda orator a quel serenissimo Signor domino Piero Zen, et esser gionto de qui uno orator di l'Imperador, haven lo questo inteso il magnifico Imbrain bassà , mando per lui Baylo, qual andato stete con lui da mezo di fin hore 24 solo con il suo secretario e dragoman.

El qual li dimandò si'I sapeva la causa che la Signoria mandava l'anıbassador. Li rispose di no; ma che l'Imperador, poi preso il re di Franza tochava con la testa il cielo , e havia tollo per moier una sorela dil re di Portogalo e ge ha dato tre milioni di ducati in dote, e li soi regni li ha då presenti per assa' summa. Imbrain disse el vol venir a Roma a incoronarsi , poi contra de nui da mar, et per via di Hongaria e di la Grecia. Ne par di novo la Signoria non avisi di questo il Signor senza mandar ambassador, ch'è metter tempo di mezo. Li rispose era maior dignità a questo imperio mandar ambasator che letere. Imbrain li disse « Scrivi a la Signoria siamo securi di la soa fede e pronti a conservar la bona pace havemo con quella el esser contra cadauno che li volesse offender, e li offerimo gente da terra e da mar e danari, e al presente non dubitemo di mancarli perchè il Sofi nè il Soldan non ne pol dar più molestia . È conveniente conservar l'uno e l'altro Stado ; questo paese lo godete vui la Soria e lo Egypto. Il Baylo lo ringratiò molto. Poi esso Imbrain li dimandò quello saria dil re di Franza, dicendo il fiol è stà incoronà Re, el qual nè li soi baroni desidera la sua recuperation. Poi disse : « Baylo, a nui non manca nè oro, nè arzento, nè armada, nė artelarie, nè tememo tutto il mondo, anzi ne basta l'animo bater tutti, nè tolemo impresa che non sia cum iustitia , che cussì comanda Dio, nè maucamo di quello promelemo, e vedi queli di Rodi, che con tanto haver fo lassati partir ; » et rispose questo instesso faria a la Signoria questo Signor. Per tanto esso Baylo scrive voria saper la intention di quella, e scrivendoli si averà quello la desidera. Bosdam rais a dì 18 di l'instante zonse qui in cadene et in preson, però che ' I Signor, leto che l'ave la suplication li mando esso Baylo, mandò per diverse vie tre zaus per trovarlo, e fo trovato poco luntan da Negroponte in una villa ascoso con uno de li soi patroni ; uno altro era qui e inteso questo se n'è fugito.