Fu posto, per sier Zacaria Trivixan savio ai ordeni, che sier Piero Bragadin, va Baylo a Constantinopoli, sia confinato in galia questa sera, nè più vengi in terra, sotto pena di ducati 500, et partir si debbi col primo tempo, da esser scossa per cadaun dil Collegio senza altro Consejo. Et cussi debbi esser confina sier Francesco Dandolo soracomito. Fu presa : 142, 46, 5.

Et nota. El ditto Baylo eri montò in galia, soracomito sier Francesco Dandolo qu. sier Zuane, col qual va alcuni zenthilomeni nostri mercadanti da numero … , tra i quali sier Zacharia Trivixan qu. sier Nicolò, et porta il diamante compro con altri di la Signoria, come di sopra ho scripto. Hor questa mattina feno vela, andono 20 mia in mar e poi tornorono indriedo a san Nicolò di Lio per esser tempo contrario, et ditto Baylo si vesti et vene a Rialto e san Marco, e per questo messe la parte.