Copia di una lettera scrive missier Zuan de Nores cavalier de Cypro, data a dì ultimo Dezembrio 1523, drizata a sier Francesco Zacaria in Veniezia.

Adviso vostra (magnificentia) per uno navilio vien di Damiata parte a dì 18 del presente e porta a boca, come Mahumet (sic) bassà governador del Cayero ha rebellato et fattose soldan, et fatto taiar a pezi alguni janizari per la qual creatione sono stà fatte grandissime feste per tutte quelle bande. Insuper ha batuto; monede sue d' oro et d'arzento, et havemo visto di quele d'arzento in forma de aspri uno poco grandiselli. Ha fatto retention de tutti navilii di quelle marine, et el presente navilio è scampato.