Et acadete ozi , che hessendo venuto la prima volta a Consejo uno sier Zuan Batista Trun qu. Sier Silvestro, qual noviter è stà riscatà per sier Zuan Vituri provedador in Dalmatia, qual era schiavo de turchi in Bossina zà anni 7, et per ducati 130 in zercha pagati dil suo esso sier Zuan Victuri l'ha liberato, et provato l' età ozi vene al primo Consejo con mantello per la morte di sier Antonio Trun procurator, et non havendo pratica al capello dove stava, sier Antonio Justinian dotor, consier, qual ha do busi, messe la man do volte in li capelli credendo forse per haver do busi poter meter do volte la man e cavar do ballote, et visto per il Serenissimo, fo chiama et mandato zoso a le leze, e cussi fo publicato; sichè questa è la sua sorte, qual è di star mexi 6 privo di Gran Consejo, et uno mexe in preson, et cussi fo mandà a le preson.