Di Hongaria venute questa matina, di sier Lorenzo Orio dotor et cavalier orator nostro, date a Buda, a dì 7 Mazo.

Dii zonzer dii Re li, elc. Et come, hessendo venuti 100 turchi per depredar in certo locho, hongari a l'incontro amazono 80 et preseno vivi 10.

Item, che poi turchi veneno in certo vilazo, et quello prese et amazono da 1500 hongari. Scrive di certa cometa aparsa de li, come per il capitolo di le letere qual sarà notato qui avanti si intenderà la cossa; prodigio grandissimo in quel regno. Scrive, che pur si sente a Belgrado prepararsi exercito.

Item, dimanda licentia di venir a repatriar, el con spexa e grandissimo incomodo, di Bohemia è venuto a Buda.