Di Roma, fo lettere di Oratori nostri, di 29.

Come sier Alvise Gradenigo orator vechio de lì, tolto licentia da la Beatitudine Pontificia et cardinali, a di dito era partito per venir a repatriar. Et come loro oratori erano stati un' altra volta col Papa et monstratoli le iuridition dil Golfo, et che il Papa li havia ditto che ritornasseno un'altra volla che vederia con qualche cardinal praticho le raxon di queste rechieste, et che non mancheria etc.

Item, come era intrato in Roma molto pomposamente el cardinal di Medici vien di Fiorenza ; et par che, havendo proposro in concistorio il Papa far la trieva zeneral per 3 anni fra li principi Christiani per poter atender a le cosse dil Turcho, qual vuol tuor la impresa dil regno di Hongaria, par che'I cardinal Voltera fiorentino, che tien la parte di Franza, dicesse al Papa che voleva mandar li monitorii per tutto, che’I re di Franza intrando in tal trieva voria aver il suo Stado de Milan Per il chè, par il Papa habbi fato retenir il preditto cardinal in Castel Santo Anzolo. Et tamen la causa non fo questa, come dirò di sotto, et fo a requisition del cardinal Medici, perchè I' havia scritto al re di Franza venisse presto in ltalia, etc.