Dil Capitanio general nostro, date in Candia, a di 4.

Avisa il zonzer li a di 18 Zener il Gran Maestro di Rhodi, con li ferieri, con due galle, una nave, uno galion, alozato nel vescoado, con qual é stato in coloquio, et averli detto che haveano visto non aver in Rodi monition, nè homini. ma de vituaria haveano ancora per 6 mexi, et che turchi a poco a poco li haveano tolto quasi tutto il circuito di la terra, fece acordo di rendersi, el a di 25 Dezembrio intrò in Rhodi doi bassà, e poi a dì primo Zener il Signor, et che erano rimasi in Rhodi 200 ferieri el 2000 rodioti, et esserli stà observà li capitoli ad unguem; ma il Signor ha voluto le artellarie et le rame restino in Rodi. Et scrive, come esso Gran Maistro feva riconzar la nave, et a di 8 dovea ripartir di Candia. Scrive, per diversi avisi auti da Syo e altre bende, el per persone partite da Rhodi, hanno tutto il campo essere passato su la Natolia, el l'armata andata in Streto, salvo 10 galìe, el sanzacho di Metelin, et 2500 janizari, et 10 milia guastatori restati in Rhodi. Scrive esso Zeneral, come lasseria sier Zuan Vituri provedador de l'armada con 12 galìe li in Candia, et lui con il resto di le galie vegneria a Corphù e partiria fra 9 zorni, et la Signoria nostra ordeni quanto habbi a far. Scrive, come uno bassà, zoè Achmat, voleva il brazo di San Zuane Batista, dicendo è stà de li soi progenitori; tamen il Gran Maistro l'ha portato con sè con tutti li paramenti di chiexia etc. Et havia donato al Signor turco un presente di un bazil d'oro con certe cadene e zoje per ducati 30 mila, e a l' incontro el Signor li havia mandà a donar presenti di una vesta qual stimava assai, che prese in una vitoria. Item avea mandato come comestibile a donar, et fatoli far dil suo biscoto per portar esso Gran maistro con si; el qual Signor havia trovà uno fiol nominato Zelabin, fo fiol di Gen sultan, il qual lo havia fato segar per mezo. Scrive, el Gran maistro va in Sicilia, poi a Roma . per aver dil Papa un luogo dove possi redur la Religion sua. Scrive esso Zeneral, averli dà ogni comodità per fa riconzar l'armada dil dito Gran maistro.