Dil dito orator Minio, date a Corfù, a dì 29.

Come scrisse per la galìa soracomito sier Nicolò Trivixan vien a levar il Baylo va a Constantinopoli.

Scrive, aver recevuto nostre letere di 9 et 10 zercha dagi licentia a l’ambasador di Napoli di Romania volea venir con lui a Constantinopoli, cussi exequirà; per l’altra, per boni respeti vadi indusiando la sua andata.

Scrive, anderà in Candia e farà impalmar le galie va con lui, temporizando etc.

Scrive, è stà amalato per un stomaco l’ha indisposto, sichè pur eri è leva dil leto; dubitava fusse finita la sua legatione.

Scrive, come do galle erano lì, videlicet Dolfìna et Donada, è stà mandate al Zante, et si duol che uno Polo . . . patron di un schierazo è passato con letere di la Signoria nostra, el quelle portate fino al Zante, et eri le ave. Saria da castigar dito patron etc. ut in litteris.