Fo leto le lettre di Constantinopoli, dil Baylo, mal trate di zifra, perchè sier Marco Minio orator va al Turco, scontrò dite letere mandate di Ragusi e le aperse, e volse trar la zifra con aqua e non potè; sichè à vastà, che non se intende. Pur se intende el Signor esser tra Constantinopoli è Andernopoli in campagna, e feva la massa di le zente al Chypsala; sichè toleva impresa certissimo, nè si sapea per dove; ma per Hongaria si existimava, ut in litteris.