Capitolo di una lettera di Syo,scrita per il consolo nostro a domino Petro Delphino di San Canzian, et zonta in questa terra al principio di avosto
Per lettere di Syo di 25 zugno, se intese, l’armada de vele 10 turchescha apresso l’ysola de Schyro à piado uno galion da Rodi con homeni 90 da fati, i qual danizava turchi. In Constantinopoli, la peste fa gran processo. El Signor turcho à fato avarar le 2 nave grosse. Se divulga al tempo nuovo faza grande armate contra Rodo. È stà scrito como il re di Polana, Boemia e Hungaria, tres concordes fecerunt exercitum, et hanno preso luogi in Tartaria, i qual confina cum Pollana. Etiam Moncastro e Licostomo, et à preso el castello dicto Lorexo a la marina, et dice andarano scorando fino a Caffa. E Polo mio fradelo me scrive de Bursa, de 8 zugno, queste parole: Dicta fuerunt aliqua de ungaris et polonis, propter quod factum, fuit praeceptum li timarati et axapi omnes ponantur in ordine. Ultimate, l’armata turchescha è stata in questo canal, et à piado uno barzoto sopra questo porto da Majorica con zare 2300 de ojo, et altre robe vegniva a consignar qui a uno merchadante ditto Matio da Savona, e non lo vol render. Camenssa corsaro turcho ha piado con le sue 4 fuste e 2 schierazi al porto de la Maura, presso la bocha, la nave di 300 bote de Domenego Venier de Candia, andava con vini in Constantinopoli, con gran occision di una parte e de l’altra, morto de’ turchi 80. Tamen, è stà preso, e morti tuti li homeni era suso, ecceto do garzoni. E à conduto dito barzoto apresso le Foje. Et habuto tal nuova dal passazo, io, come consolo, ho fato noticia al capitano de l’armata, che è qui, el qual à mandato Erichi con una galia e 3 fuste, et ha havuto la presa, zoè la nave; ma Camenssan non ha voluto prender. La qual nave, io, come consolo, ho dimandata al capitano, el qual m’à dito non puol far men, finché non faza asaper al Signor. Et io ho scripto in Constantinopoli a misier Andrea Griti, e fato provision debite per tuto. Lo capitano di l’armata dil Signor, me ha confirmato lo Signor turcho ha mandato janizari a Moncastro e Licostomo per la novità sequita.